Matalim ang tinging ipinukol ni Don Redentor kina Lawit at Islao. Nakabusangot ang dalawa habang nakatayo as tabi ng kasasara pa lang na pinto. Panay ang haplos sa kanilang pisngi kung saan dumapo kanina ang mga suntok at sipa ni Lady Abby.
"Ang tatanga ninyo!" nagngangalaiting sigaw ni Don Redentor. "Saan ba kayo naghahanap, ha? Umuwi na ang anak ko."
"Boss, ano kasi..." tugon ni Islao at inilapat ang kamay sa kaliwang balikat. Napangiwi ito sa sakit. Doon kasi tumama ang kanang paa ni Lady Abby. Malakas sumipa ang huli at hindi iyon nailagan ni Islao.
"Papa," agaw ni Lady Abby sa iba pang sasabihin ni Islao. Pinipigilan niya ang sarili na mapangiti as hitsura ng dalawa. "Dumating sila kanina sa condo ni Vena. Kung saan-saan pala sila naghanap, e, nandoon lang naman ako sa condo ng kai
