Habang papauwi sa sariling condo ay walang imik si Lady Abby. Nakaupo siya sa back seat ng kotse at katabi si Islao na labis niyang ikinakagalit dahilan para panatilihin niya ang paningin sa labas ng bintana. Mas gusto niyang tingnan ang dinadaan nila kaysa makipag-usap sa mayabang na kanang kamay ng papa niya.
"Where have you been last night, Abbygail?" muling saad ni Islao nang hindi pa rin nagsasalita si Abby. "Pinuntahan ka namin sa bar, pero pinagtaguan mo lang kami."
"Tama si Boss Islao, Lady Abby," sabat ng driver na abala sa pagmamaneho. Saglit itong tumingin sa rear view mirror at agad na ibinalik ang paningin sa kalsada nang mapansin na parang hindi interesado ang amo.
"May out of town business trip ang papa mo, Abbygail." Naiinis na si Islao dahil sa pagsasawalang-kibo ng ana
