Napakunot ang noo ni Liam nang hindi man lang tanggapin ni Rian ang halik niya. Iniwasan siya nito at diretsong sumakay sa sasakyan. Sinundo niya ito mula sa unibersidad na pinapasukan nito at umaasa siya na makasama ito ngunit tila wala itong gana.
Napabuntong-hininga ang lalaki. Sumakay na lang siya sa loob ng sasakyan at ini-start iyon. Bago magmaneho ay tinapunan niya muna ng tingin ang dalaga na napipintahan ng iritasyon ang mukha.
"Is everything all right, my sweet?"
Sinagot siya ng katahimikan. Habang nagmamaneho pauwi ay 'ni hindi man lang ito nagsasalita, 'ni hindi man lang siya tinapunan ng tingin. Umidlip lang ito.
Hindi malaman ni Liam kung may nagawa ba siyang mali. O kung may nasabi ba siya na hindi nito nagustuhan. Wala naman silang pinag-awayan nitong mga nakaraang a
