Nang magmulat ng mga mata si Rian ay ang guwapong mukha ni Liam ang unang bumungad sa kanya. Mahimbing itong natutulog sa tabi niya, habang ang kamay nito ay nakadagan sa kanyang sikmura. Muli niyang naramdaman ang pagtalon ng kanyang puso. Nangnginginig ang mga kamay na hinaplos niya ang pisngi nito.
Hindi naman siguro masama na magkagusto siya rito nang kaunti. 'Yon ang paulit-ulit na depensa ng dalaga sa sarili. Sino ba namang hindi magkakagusto rito? Halos perpekto si Liam Astoria. Guwapo, mayaman, mabait, at romantiko. At magaling sa kama, na hindi na niya ikakaila.
Naglandas ang mga kamay niya sa kuwintas na ibinigay nito. Dinama ang malamig na batong nakapalawit doon. Hindi niya ito hinubad bagkus ay dinala sa kanyang mga labi at hinalikan. Bahagya niyang naaamoy ang pabango ni
