Ilang minuto na kaming nasa loob ng aking opisina. Ngunit, nababalot ang aking silid ng matinding katahimikan sa pagitan naming dalawa ni Jake. Nakakabinging katahimikan. Hindi ko magawang makapagsalita dahil hindi ko alam kung paano ko sisimulan.
Magkatabi kaming dalawa ni Jake na nakaupo sa sofa. Walang nais na maunang magsalita. Kaya naman, ako na ang nagkusang mag-initiate na magbukas ng pag-uusapan.
“Kumusta ka na, Jake? Kayo ng pamilya mo? Ang tagal na rin na hindi ko nakikita ang magulang mo. Ikaw? Saan ka na ba ngayon nakatira?” Kinakabahan man ako sa mga posibleng sagot na aking marinig mula sa kaniya.
Nilakasan ko pa rin ang aking loob na magtanong. Nais ko na malaman ang naging buhay niya matapos ko siyang magawang iwanan noon. “Kung ang nais mong malaman ay ‘yong nangyari
