Sa mga narinig kong salita mula sa kaniya, agad akong napangiti. Yumakap akong muli kay Vincent at maingat kong pinaghawak ang aming mga kamay. “Salamat, Vincent, sa pagbibigay mo sa akin ng buong tiwala mo. Mahal na mahal rin kita,” wika ko, habang nakatingin ako kay Vincent, unti-unti kong ipinaglapit ang aming mga mukha hanggang sa ang mga labi namin ay nagsimula nang maging isa. Humiwalay ako at saka ako nagpatuloy sa aking sasabihin, “hinding-hindi ko sasayangin ang tiwalang ibinigay mo sa akin, mahal ko. Pangako ko ‘yan.”
“Alam ko naman ang bagay na ‘yan, mahal ko,” napatingin ako sa kamay naming magkahawak habang marahan niya itong hinihimas, “basta, ako lang ang taong mamahalin mo. Ang lalaking nag-iisa d’yan sa puso mo. Ayoko nang may kahati ako sa pagmamahal ko sa iyo, Jake. Se
