Tahimik ang buong Stellaris Studio nang araw na ‘yon. Parang may bumabalot na hindi maipaliwanag na tensyon kahit wala namang bagyo o press conference. Sa creative bullpen, abala ang buong team sa pag-aayos ng post-launch campaign ng Véraise. Pero sa pinaka-loob na opisina, nakaupo si Darren Yao, tulala sa harap ng screen ng laptop.
Hindi siya makagalaw.
Hindi siya makapaniwala.
Ilang beses niyang ni-refresh ang browser pero hindi nagbago ang headline.
> “Alyssa Ann Ramirez Appointed as Executive Consultant of VÉRAISE Philippines.”
Napakuyom siya ng kamao.
Hindi puwedeng totoo ‘to. Hindi puwedeng ganito ka-simple ang pagbabalik ng isang taong limang taon na nilang hinahanap — walang balita, walang trace, walang anino. Tapos ngayon, bigla na lang lilitaw bilang consultant sa mismon
