Kinagabihan ng araw ring iyon, nagtipon-tipon ang mga kalalakihan ng kanilang pamilya para uminom. Habang silang mga kababaihan naman ay nagku-kuwentuhan sa loob ng kanilang bahay. Natutuwa siyang winelcome ng pamilya niya si James ng walang pag-aalinlangan.
“Sis, mabuti naman at sa wakas nahanap mo na rin siya,” anang ate Gem niya.
Inginuso pa nito si James na nakaupo sa labas kasama ng kaniyang mga kuya at ama. Natawa naman siya sa sinabi ng kaniyang ate.
“Naku kung alam niyo lang kung gaano karaming luha ang pinuhunan ko riyan sa lalakeng iyan.” Nagkatawanan pa sila, dahilan para mapalingon sa kanila ang mga boys.
“Pinagtsi-tsismisan niyo kami ‘no? Hali nga kayo rito para naman mas masaya ang inuman namin,” tawag sa kanila ng kaniyang kuya Nick.
Tumalima naman sila at lumabas ng b
