Kinabukasan, kagaya nga nang sinabi ni Harold kay Grace, ay sinundo siya nito at inihatid sa kaniyang trabaho. Kagaya nang mga naunang paghatid nito sa kanya, ay hindi naman siya napanisan ng laway dito. Madami kasi itong kwento at hindi ito nauubusan nang mapag-uusapan.
“So, paano ba iyan mamaya na lang ulit?” nakangiting tanong nito sa kaniya.
Tumango naman siya rito. “Sige mamaya na lang ulit. Mag-iingat ka sa biyahe,” nakangiti pang aniya sa binata.
“Yeah, I will. See you later,” sagot naman nito, saka ito muling sumakay sa sasakyan nito at sumibat na.
Kinawayan pa niya ito saka siya naglakad patungong BSC. May ngiti sa kaniyang mga labi nang makapasok siya roon. Kaya naman abot-abot ang panunukso sa kaniya ng mga kaibigang kanina pa pala nanonood sa kanila ni Harold sa labas ng BS
