Hindi inaasahan ni James ang pagdating ng pinsan niyang si Andrea. Matagal-tagal na rin silang hindi nagkikita ng kaniyang pinsan simula ng magtrabaho ito sa Singapore. Kaya naman sabik na sabik silang magpinsan sa isa’t isa. Off ngayon ni Grace at alam niyang nasa boarding house lang niya ito. Balak niyang yayain ito mamayang maghapunan sa bahay nila upang ipakilala sa mga pinsan niya.
“Kumusta cous? Long time no see ah! ” tuwang-tuwang bati niya rito.
“Eto maganda pa rin pero walang jowa, ” humahagikhik nitong sagot sa kaniya.
Natawa siya sa sinabing iyon ng kaniyang pinsan. Hindi niya kasi alam kung totoo ba ang sinabing iyon ng kaniyang pinsan, o nanti-trip lang ito. Wala naman kasi sa itsura nito ang walang jowa. Maganda ang pinsan niya, kahit hindi ito ma-effort mag-ayos ng sarili
