TUWANG-TUWA si Bella. Tumawag kasi si Lucas kanina para ipaalam sa kanya na uuwi ito ng maaga ngayon. Ibig sabihin ay makakasalo nila ito sa hapunan. Ilang araw narin kasi itong halos walang oras para sa kanya dahil nga sa napakarami nitong inaasikasong trabaho. Sa katunayan nga ay maaga itong umalis kaninang umaga at dahil tulog pa siya ay hindi na ito nakapagpaalam sa kanya bago pumasok sa opisina. Naiintindihan naman niya iyon lalo pa nga at malaki ang problemang kinakaharap ng pamilya nila ngayon at naapektohan pa ang mga negosyo ng pamilya. Sa katuwaan na makakasalo niya ang asawa sa hapunan ay bigla niyang naisip na bigyan ito ng maliit na surpresa. Nagluto siya ng espesyal na hapunan para sa kanila. Nagpatulong din siya sa mga katulong na dekorasyunan ang mesa sa may garden area mal
