MALALIM na napabuntong hininga si Bella habang inilalapag ang isang high society magazine na hawak niya. Ilang araw narin siyang laman ng mga society pages mula nang lumabas sa publiko na siya nga ang asawa ni Lucas. Lahat ay nakikiusyuso sa buhay niya. Marami ang nagtataka at nagtatanong kung sino ngaba siya bago napangasawa at pinakasalan ng isang Lucas Thomas? Kung totoo ngabang tunay na anak ni Lucas si Amarah? At kung totoo man ay bakit ngayon lang siya lumantad sa publiko?
Marami din ang kumakalat na articles sa internet na ginamit daw niya si Amarah para mapikot ang isa batang-batang Bilyonaryo. May mga nababasa rin siyang mga comments na isa daw siyang oportunista at malamang ay pera lang ang habol niya sa pamilya ni Lucas. Marami din siyang pamimintas na nakukuha... Kesyo ano daw
