SA paglipas ng mga araw unti-unting nagiging maayos na ang lagay ni Dwayne. Naghihilom na rin ang mga sugat nito na tinamo sa nangyaring aksidente. Ngunit kasabay niyon ay ang pagiging demanding din nito ng attention at oras ni Bella.
Katatawag lang ng ina ni Dwayne. Nagwawala nanaman daw si Dwyane dahil hinahanap nito si Bella. Hindi rin daw nito iniinom ang mga gamot nito hanggat hindi siya mismo ang magbibigay niyon sa kanya.
Nahilot ni Bella ang sentido. Sumasakit ang ulo niya sa stress. Sa totoo lang ay hindi na niya alam ang gagawin. Gusto niyang makatulong na makarecover si Dwayne sa sakit nito ngunit hindi na niya alam kung paano hahatiin ang oras niya sa pagitan nito at sa mag-ama niya. Ilang beses narin niyang nasasakripisyo ang oras na dapat para kay Lucas at Amarah para lan
