NANG mabalitaan ni Lucas ang nangyari sa ospital ay kaagad nitong pinuntahan ang asawa. Naabutan nito si Bella sa labas ng emergency room habang naghihintay ng resulta kung ano na ang kalagayan ng matalik na kaibigan.
"Maria Bella..,"kuha nito sa pansin ng asawa.
"Lucas," sambit ni Bella sa pangalan ng asawa ng makita ito. Umiiyak na kaagad siyang yumakap dito.
Kaagad naman siyang ikinulong ni Lucas sa mga bisig nito. "Are you okay? Nasaktan ka ba? Anong ginawa nila sa'yo?" sunod-sunod ang nag-aalalang tanong nito.
"I'm okay. Pero nag-aalala ako kay Jenny..."
"Ano ba naman kasi ang pumasok sa isip mo at pumunta kayo dito? Alam mo naman na galit sa'yo ang pamilya niya... Kita mo ang nangyari sa katigasan ng ulo mo?"
"I-I just wanted to see him. Please, don't be mad at me..."
"I'm not
