AKALA ni Bella ay tuluyan nang natuldukan ang problema niya kay Dwayne. Ngunit ilang araw palang ang lumilipas mula nang huli silang magkausap nang makatanggap siya ng tawag mula sa matalik na kaibigan niyang si Jenny. Naaksidente si Dwyane at ngayon ay nag-aagaw buhay sa ospital. Ang pinakagumimbal pa sa kanya ay ang kaalaman na malaki ang posibilidad na sinadya ni Dwayne na ibangga ang sasakyan nito upang magpakamatay dahil nga hindi parin nito matanggap hanggang ngayon ang nangyaring paghihiwalay nilang dalawa. Lalong hindi nito matanggap na kailan man ay hindi na siya babalik sa piling nito.
Dahil sa nalaman ay ilang araw narin na hindi mapalagay si Bella. Kinakain siya ng matinding konsensiya. Sinisisi niya ang sarili sa nangyari sa dating kasintahan. Lalo na ngayong nakita niya ito
