( Chapter 82 - Ang epekto ng gamot kay Oliver )
Cyd's POV
Ito ang unang beses na magagalit at lalaban ako kay Pinunong Tam. Umiiyak sa akin si Oliver. Ang sumbong sa akin nito ay sinakal siya at sinuntok sa tiyan. Nilalagnat ngayon si Oliver dahil sigurado ako na tinamaan siya ng kaliskis nito.
Galit ko siyang sinugod sa loob ng condo niya.
"Bakit niyo po sinaktan si Oliver?!" sigaw ko sa kaniya. Hindi naman ito nagpatinag. Nakahiga pa rin siya sa kama habang walang pakelam sa kinakagalit ko.
"Kumalma ka," sabi nito at sa isang iglap lang ay lumipad ako para maupo sa sofa niya. "Sinubukan ko lang kung maari na ba akong manakit ng tao. Tignan mo ito." Pinakita niya sa akin ang braso niya. Nangingitim iyon na parang sunog.
"Ang ibig sabihin ay bawal ka pa rin manakit ng tao," sabi k
