NEIL IVAN LEVISTE
Sinipat ko ang suot kong relo bago binalik ang tingin sa elevator. Kumunot ang noo ko nang wala pa rin si Lalaine.
Kinse minutos na ang lumipas mula nang bumaba siya pero hanggang ngayon 'di pa rin siya bumabalik.
"Ang tagal naman yata," bulong ko sa sarili ko.
Kaya nagpasya na akong sundan na lang sana siya, nang bumukas ang isang kwarto at lumabas doon 'yong nagpakilalang Jay sa akin. Kunot noo siyang timingin bago lumapit.
"Neil, anong ginagawa mo rito? Nasaan si Lalaine?" tanong niya.
"Bumaba sa parking para kunin 'yong ibibigay ni Jhereemae pero hanggang ngayon wala pa rin. Kanina pa siya bumaba, eh," inip kong sagot dahil gusto ko na talagang bumaba para sundan si Lalaine.
"May itatanong ka pa ba? Pupuntahan ko muna si Lalaine," wika ko at tumalikod sa kani
