Kabuwanan na ni Jane at tila excited ang lahat dahil sa unang apo na darating.
Maging ang nursery room nito ay pinaayos na nila katabi lamang nang kuwarto ng dalaga.
Kasalukuyan nag-aalmusal ang dalaga nang pumasok sa kusina ang kanyang ina. Mag-isa lamang siyang kumakain dahil ayaw niyang sumabay sa kahit na sino. Medyo moody pa rin siya kahit na malapit na siyang manganak.
"Anak, kumusta ka? Bakit nag-iisa ka rito?" agad na tanong ng ina niya nang makalapit ito sa dalaga.
"Ayaw ko po na may kasabay, Inay. Okay naman po ako. Parang nababalisa nga lang po, siguro dahil malapit nang lumabas si baby," tugon niya sa ina habang kumakain.
Ilang sandali pa ay nakaramdam siya nang parang hiniwa sa sakit ang bandang tiyan niya. Napaaray siyang bigla.
"Aray!" Haplos niya sa tiyan habang
