Mabilis na tumawag si Harold sa kilala niyang colonel sa pulisya at maging si Mathew ay tinawagan niya. Magkagalit man sila nito pero kailangan niyang ipaalam rito na nanganganib ang anak nito. Sa una ayaw pa nitong sagutin ang tawag niya dahil siguro sa pag-withdraw niya ng shares sa kompanya nito. Pero kailangan niya iyong gawin upang ipadama sa mga ito na sobra silang nasaktan sa ginawa ni Alex sa anak niyang si Melody.
Hindi nga lang inaasahan ni Harold na gagawin iyon ni Edmark sa manugang niya. Kahit na gusto nang durugin ng pinong-pino si Alex dahil sa pagtataksil nito sa anak niya. Hindi niya pa rin kaya na masaktan ito.
Halos mataranta rin siya dahil baka totohanin ni Edmark ang banta sa manugang. Para sa anak, gagawin niya ang lahat mapasaya lamang ito. Mali niya lamang ay ma
