Ganoon nga ang ginawa ni Cairo. Pinadala niya sa isa sa mga driver ng hotel ang pagkain. Tinikman ko iyon at tinupad ang sinabi ko na gagawan ko siya ng review para doon.
Marami iyon kaya naman nagpatulong ako kay Mama at Kuya na maubos iyon. Hindi na nga kami nagluto pa ng hapunan para hindi masayang ang mga iyon.
Tinipa ko ang mga review sa bawat pagkain sa aking cellphone at pinadala iyon kay Cairo. Hindi ko na tiningnan pa kung nag-reply man lang siya dahil gaya ng ginagawa ko nito'ng mga nakaraan, iniiwasan ko na ang makipaghalubilo sa kaniya para hindi ako malito.
Tuloy lamang ang training ko. Sa susunod na linggo ay inter-high na kaya wala na rin ako na oras para intindihin pa si Cairo.
Pinagpapasalamat ko na busy ako at may kaunting pressure na rin dahil sa performance na g
