KANINA pa naririndi si Catherine sa mga ingay na ginagawa ng mga taga-Sitio Monstrum. Nakatali pa rin siya sa gitna ng lugar na iyon. Samu't saring mga musika at sigawan ang kanyang naririnig. May mga nagsasayaw, may tawa nang tawa. May nakahain na iba't ibang pagkain sa isang mahabang lamesa sa may tabi. Lahat ay buhay na buhay ng gabing iyon. At sigurado si Catherine - ito na ang Gabi Ng Pag-Aalay.
Sa gabing ito iaalay ng mga aswang na iyon ang kanyang puso sa kung sinong diablo!
Kung maaari nga lang na patayin na lang niya ang sarili sa mga sandaling iyon kesa magamit pa ang kanyang katawan sa pagpapalakas ng mga ito. Alam niya na hindi siya ang magiging huling biktima ng mga aswang sa Monstrum. Magpapatuloy ang paghahasik ng lagim hangga't hindi nasusupil ang mga ito.
Maya maya ay n
