SUMULYAP ULIT AKO SA KANYA.
Pang-ilang beses na ito pero hindi talaga nakakasawa. Palabas na kami ng mall at tapos na ang movie na pinanood namin. Naka-survive naman si Cade, habang ako naman ay nagsisisi kung bakit horror ang pinili kong genre. Ayan tuloy, hindi natuloy ang plano kong kissing scene sa kalagitnaan ng pelikula. Kasi naman, buong oras siyang nakapikit yata hanggang sa matapos na ang lahat.
Back sa pagsulyap sa babycakes ko. Ang sarap niya lang talagang tingnan. Para siyang leading man sa isang Hollywood movie. Pwede siyang pang-superhero, pang-romance, at pang-drama rin. Minsan napapaisip ako kung bagay ba talaga kaming dalawa. Hindi naman kasi ako ubod ng ganda—cute lang, sabi nga nila. Samantalang siya, saksakan ng guwapo. Ni hindi nabawasan ang kanyang manliness kahit p
