Sumulpot si Aling Sita mula sa pinto.
“Cade… iwan mo muna kami…”
Napabuga ng hangin si Cade.
“Fine.”
Hinagkan niya ang matanda sa ulo bago siya tuluyang nawala sa aming paningin.
Hinila ako ni Aling Sita paupo sa kama matapos ang ilang sandali.
“Makinig ka, hija…”
Sa itsura niya, parang siya pa ang nahihiya sa asal ng alaga niya.
“Hindi lumaki si Cade nang normal. Iba ang pagpapalaki sa kanya ng kanyang ama…”
“Na lumaki siya na halos nag-iisa? At homeschooled siya? Iyon po ba? Kaya wala siyang kaalam-alam sa paligid niya? Pero sapat na po ba iyon para magkaganoon siya? Parang normal rich kid lang naman, di ba?”
Kumibot ang kanyang ilong.
“Bata pa lang siya ay… tinuruan na siyang pumatay.”
Nanlamig ang katawan ko.
Bakit p*****n agad?!
“Siya ang unang anak. Ano ang inaasahan mo
