Chapter 39
Tuluyan naman nang bumuti ang kalusugan ni Luna sa lumipas na tatlong araw. Nakabawi na rin ito ng lakas. Ayon dito, wala naman daw itong kakaibang nararamdaman. Hindi rin ito nasusuka sa umaga. Basta gusto lamang nitong matulog nang matulog. Kaya kahit paano ay naging palagay naman ang loob ni Martin tungkol sa pagbubuntis ni Luna.
"Nanay, pritong talong tayo mamaya tapos 'yong sawsawan, toyo na maraming kalamansi. Wow, ang sarap," suhestiyon pa ni Luna sa ina habang kasalukuyang kumakain ng merienda.
"Talong na naman? Tumigil ka nga, Luningning. Nag-ulam na tayo kahapon ng talong. Baka paglabas niyang anak mo, sobrang itim. Sige ka. Maglilihi ka na nga lang sa pagkain, talong pa talaga?" Sermon ng Nanay ni Luna.
"Gano'n po ba 'yon, Auntie?" Nagtatakang tanong naman ni Mart
