Chapter 31
Hindi na muling lumabas pa sa bahay si Luna nang gabing 'yon. Kahit sumilip man lang ay hindi na nito ginawa pa. Sinubukang lumakad ni Martin at pumwesto sa tapat ng bintana kung saan nakapwesto ang kwarto ni Luna. Narinig pa niyang tila may kausap ito.
"Pasensya na, Badong. Hindi kita masyadong marinig. Mahina kasi ang signal sa loob. Hello? Hello?" Rinig niyang sabi ni Luna.
Napakuyom ng mga kamao si Martin. Kakaalis lang ni Luna mula sa bahay ni Badong, tapos magkausap pa ngayon ang mga ito? Napaka-clingy naman yata masyado ng lalaking 'yon sa nobya niya? Nagsisimula na naman siyang magselos kahit na ipinangako na niya sa sarili niya na magiging maunawain siya pagdating kay Luna dahil kasalanan naman talaga niya kung bakit lumalayo ang loob nito sa kanya.
Kinatok niya ang
