Chapter 30
Nagmamadaling maglakad si Martin para sundan sina Luna at Badong na kasalukuyang naglalakad papasok sa loob ng malaking bahay. Ngunit bago pa man siya makahakbang sa hagdanan paakyat ay naharang na kaagad siya ng Nanay ni Luna.
"At bakit ka narito?" Nakapamewang na tanong pa nito sa kanya.
"Auntie, magandang gabi ho," bati niya naman kaagad dito at akmang magma-mano ngunit kaagad na binawi ng Nanay ni Luna ang kamay nito.
"Kanina maganda pa ang gabi namin, pero ngayon hindi na. Umiinit ang ulo ko," masungit na sabi nito.
"Auntie, narito po ako para makausap ang anak ninyo. Mayroon po kaming hindi pagkakaunawaan at gusto ko pong maayos namin 'yon," paliwanag niya.
"Wala na kayong aayusin na dalawa. Hindi kita hahayaang makalapit pa sa anak ko. Kilala ko ang mga tipo mong la
