Epilogue
"Ano?" Hindi makapaniwalang saad ni Kyle habang nakatingin kay Vin. Muli nitong ibinaling ang paningin sa panganay na kapatid. "Tauhan mo ang lintik na 'yan?"
"Yup! Bakit? May problema ka ba sa kaniya?" Diretsong tiningnan ni Leester sa mga mata ang kapatid. Napapangiti naman si Tooffer na nakamasid lang sa kanila. Napailing si Kyle at tila napaisip kung paano naging tauhan ng kapatid ang lalaking kinaiinisan.
"Kung gano'n," patuloy ni Leester. "Ituloy na natin ang planong pagpapabagsak sa grupong iyon."
"Kuya Leester," wika ni Kyle saka tinuro ng nakaupong si Vin. "Papaano mo siya naging tauhan? Ni minsan hindi ko siya nakita. Baka pakawala 'yan ng ibang grupo, sumabit pa tayo."
Napailing si Leester. "Subok ko na 'yan si Vin, kaya huwag kang mag-alala." Ngumisi ito saka tina
