NAKAUPO lang ako sa tabi ng hinihigaan ng kapatid ko. Wala parin siyang malay hanggang ngayon. Nagwala daw siya dahil hindi niya ako makita kanina. Hanggang sa tumakbo ito palabas ng bahay at nahagip ng sasakyan. Tumulo na naman ang luha ko dahil sa takot ng sinabi ng doctor tungkol sa ’Impulsive Behavior’ ng isang katulad ni Kenjo.
Nilingon ko si Nico na nakaupo din habang nakahalukipkip at mataman na nakikipagtitigan sa akin. Parang gusto kong kapain ang sarili ko, baka kasi natunaw na ako. Umalis sila nay at tay dahil kukuha daw ito ng gamit ni Kenjo.
“Are you okay?” tanong niya at tumayo.
Tumango lang ako bilang sagot. Lumapit siya sa akin kaya napatayo na rin ako. Tumayo siya sa harap ko at hinaplos ang aking pisngi. Pinahid niya rin ang ilalim ng mata ko gamit ang kaniyang hinlala
