“Vlad.”
Napatigil si Vlad sa paglalakad papasok ng bahay ng Head Master. Kilala nya ang boses na ‘yon at kahit kelan hindi niya makakalimutan ang boses na noon ay malaking kakulangan para sa kanya ang hindi marinig iyon sa isang araw.
Nilingon niya ‘to. Nakasandal si Moonlight sa isang puno na madalas nilang tambayan noon kapag pumupunta ito at ang ama upang kausapin ang Head Master, hindi kasi sila puwedeng lumayo lalo pa at bata pa sila pareho at mahalagang mapanatiling ligtas si Moonlight, pero wala naman nagtatangka sa buhay nito dahil siguradong masasawi sa galing ng mga taga-bantay ng palasyo na may iba'tibang kakayahan.
Isinasayaw ng hangin ang malalambot nitong buhok at ang ngiti nito na noon ay sa kanya lang nito ginagawa noon, dahil ngayon alam na niyang sa isang tao na nakala
