"Miss, hanggang dito na lang po kayo. Hindi na po kayo pwede sa loob."
Agad siyang hinarangan ng nurse nang papasok na sila sa operating room.
"Ang Papa ko. Iligtas niyo ang Papa ko," umiiyak niyang sabi at marahan namang tumangu-tango ang nurse.
Nang pumihit siya sa kanyang likuran ay nakita niya ang kanyang mga magulang. Ang mga taong nag-alaga at nag-aruga sa kanya kahit hindi niya mga kadugo.
Nasaksihan din ng mag-asawa ang ginawang pagligtas ni Nicholas sa kanyang anak at nasaksihan at narinig nila ang unang pagkakataong tinawag ito ni Jackie Lou na Papa.
Napayakap ang dalaga sa kanyang ama since ito naman ang malapit sa kanya habang siya ay umiiyak.
Nang makita ni Soledad ang sitwasyon ng kanyang anak ay dahan-dahan siyang pumihit patalikod at nilisan ang hospital. Alam niyang
