"Theo, para sa'yo," sabi ni Maika sabay abot sa kanya ng hawak nitong malamig na tubig.
Wala si Jackie Lou, nasa Maynila at hindi pa nakakabalik kaya panay naman ang lapit sa kanya ni Maika kahit na iniiwasan niya ito.
Wala siyang balak na patulan ito dahil ni gusing, wala siyang gusto sa dalaga pero kahit na anong iwas ang gagawin niya, talagang hindi niya mapipigilan si Maika mula sa paglapit sa kanya.
"Maika, ilang beses ko bang sabihin sa'yo na hindi kita gusto at kahit kailan hindi kita magugustuhan," diretsang pahayag niya sa dalaga at lihim na ikinuyom ni Maika ang kanyang palad sa sakit at inis.
"Kaya, pakiusap. Tigilan mo na 'yan dahil kahit anong gawin mo, hindi kita magugustuhan. Nakababatang kapatid lang ang tingin ko sa'yo at alam ko sa sariling hindi na 'yon magbabago pa
