ETHAN POINT OF VIEW
Lumipas ang isang linggo na puno ng kaba, pagtatago, at pag-aalinlangan. Sinubukan naming maging normal ni Sam—nagpanggap na wala kaming relasyon, na walang nangyari sa amin. Pero sa tuwing kami lang dalawa sa loob ng bahay, mahirap itago ang katotohanan.
Tuwing madidikit siya sa akin, tuwing magtatama ang mga mata namin, para akong mababaliw sa pagpipigil. Pero wala akong magawa. Ito ang pinili namin—ang tadhana namin na itago ang pagmamahalan namin, para hindi kami magkahiwalay.
At ngayong dumating na ang araw ng pagbabalik ng mga magulang niya, hindi ko alam kung kakayanin ko pang magpanggap.
---
Maga alas-otso ng gabi nang marinig ko ang paghinto ng isang sasakyan sa tapat ng bahay. Nakatayo ako sa may hagdan, tinitingnan si Sam na nakatayo sa tabi ng pinto,
