Raim's POV
NAKITA kong sumakay sa kotseng naka-park sa labas ng gate ng aking bahay si Janelle at ang isang lalaki. Halatang nagmamadali sila kaya naghinala na agad ako na may ginawa silang hindi maganda. Lalo pa ng mabilis na umarangkada paalis ang sasakyan.
“Ano kaya ang nangyari?” bulong ko na kinabahan para kina Caress at Lola Minda. “Baka may ginawa silang kasama kaya pumunta sa bahay ko.”
Sa labas ng gate ko na itinigil ang aking kotse. Mabilis akong bumaba at nagtatakbo papasok sa bukas na gate. Narinig ko agad ang mga sigaw ng maglola kahit nasa labas pa ako ng bahay kaya lalo akong nag-alala para sa kanila. Mas binilisan ko ang pagtakbo.
“Bakit?” malakas kong tanong ng makapasok ako sa main door. Nilapitan ko si Lola Minda na umiiyak habang hindi magkantoto s
