Raim's POV
HINDI ko inaasahang naghihintay sa akin sa salas si Caress nang dumating ako sa bahay. Tahimik siyang nakaupo sa sofa at tumingin sa akin pagkapasok ko mula sa pintuan.
“Narito ka pala,” nakangiti kong sabi habang umuupo sa tabi niya. “Bakit hindi ka pa natutulog?”
“Hinintay talaga kita para magpasalamat. At mag-sorry. Pasensiya ka na sa inasal ko, Raim."
Tumawa ako ng mahina. “Ayos lang 'yon. Nauunawaan naman kita. Alam ko ang sitwasyon.”
“Saan ka ba pumunta? Matagal ka ring nawala. Kaya hindi ako natahimik dahil nag-alala ako sa 'yo. Baka kasi... n-nabigyan kita ng sama ng loob kaya ka umalis kanina.”
“Hindi naman," tugon kong nanatiling nakangiti. "Ang totoo ay galing ako sa bahay ni Janelle. Pinuntahan ko talaga siya para sana kausapin.”
“Na
