NANG araw na ibalita ni Haven kay Esang ang lahat ng panyayari, hindi nila napigilan ang malugmok sa lungkot at ang umiyak nang umiyak.
Walang mas sasakit pa sa pagkawala ng kanilang Nanay Salvi. Pinatay nang walang kalaban-laban, dahil lamang sa dyamanteng gustong mabawi.
Pinagkaitan ng pagkakataon sila Esang na makasama pa ang kanilang Nanay Salvi. Naawa siya sa kanyang dalawang nakababatang kapatid. Maging kay Lola Sarah na ibayong lungkot at sakit ang nararamdaman.
Hindi na niya napasalamatan si Haven nang araw na iyon dahil sa labis na lungkot at pagdadalamhati niya. Saka na lamang niya pasasalamatan ang lalaki kapag magkita silang muli.
Naawa rin siya kay Dreamo dahil makukulong ang dalawang magulang. Kitang-kita niya na malayo ang tingin ng lalaki.
Nakaupo ito sa sofa haba
