Chapter 43 – Part 1
Pagkalabas ni Cheska mula sa kwarto niya ay halos mahulog ang hawak niyang cellphone sa pagkabigla. Nasa sala si Rhylle—nakaupo, tahimik, parang estatwa, habang nakapangalumbaba sa sofa. Ang mga mata nito ay malamig, nakatingin lang sa kawalan. Kita niya agad ang tensyon sa panga nito, parang may matinding kinikimkim.
“Red…” tawag niya, mahina, halos pabulong.
Dahan-dahang bumaling ang lalaki sa kaniya. Walang ekspresyon sa mukha, pero sapat na ang titig para manlamig ang katawan niya. Hindi ito gaya ng mga nakaraang araw na medyo nagiging maluwag na ang aura ng lalaki. Ngayon, bumalik ulit ito sa pagiging misteryosong nilalang na para bang isang anino.
“May problema ba?” tanong niya, maingat ang tono. Lumapit siya at umupo sa tabi nito, kahit ramdam ang bigat ng pr
