“Ate...” madaling singhap ni Adeline nang magmulat ang kapatid.
Simula nang mawalan ito ng malay kaninang umaga ay hindi na umalis si Adeline sa tabi ng kapatid.
“Adi...” bulong nito at umiyak na naman.
Kinuha ni Adeline ang kamay ng kapatid habang nakaupo sa tabi ng kama nito. “A-anong nangyari Ate?”
Halos mawala na ang boses ni Adeline habang nagsasalita dahil wala sa isip niya o pag-aakala na ang masaya dapat na okasyon ay mauuwi sa masamang pagkakataon.
“Isang linggo pa lamang kami dito...masaya naman lahat eh. Hindi ko lang inaakala na kahapon, hindi na siya magigising!!! Sinugod namin siya sa ospital at sabi cardiac arrest daw...” hinagpis ni Rasha na halos mawalan na naman ng malay habang nagkukuwento.
“Kalma na Ate...kalma na,” sabi ni Adeline na diretso na rin ang buhos ng
