"Mariel!"
Kaagad lumingon sa pintuan si Mariel nang marinig niya ang malakas na pagtawag sa kanya ni Third. Nakasimangot niya itong tiningnan.
"Bakit?" malamig niyang tugon at muling tinuloy ang kanyang ginagawang paglilinis sa kanyang higaan.
Balak niya kasing matulog na sa kanyang kwarto simula sa araw na 'yon. Pakiramdam niya kasi nawalan siya ng ganang tumabi dito matapos niyang marinig ang kasinungalingan nito.
"Bakit hindi mo 'ko hinintay? 'Di ba't sabi ko hintayin mo 'ko?!" tanong nito sa mataas na boses.
Kaagad uminit ang ulo niya nang marinig niya ang mataas na boses nito. Marahas siyang lumingon dito.
"Anong oras na ba?" taas kilay niyang tanong dito.
Bigla itong natahimik sa tanong niyang iyon at huminga ng malalim.
"Sorry, may inuutos kasi sa akin ang Boss ko kaya dumaa
