Pakiramdam ni Third ay daig niya pa ang tumama ng lotto sa mga oras na 'yon, nang makitang namutla si Mariel matapos niyang sabihin ang ginawa niyang trick dito.
Sa wakas, napaamin niya na rin ito, dahil sa naisip niyang prank dito. Mabuti na lang at nakaisip agad siya ng paraan kung paano niya ito mapapa-amin na ito nga ang babaeng nakaniig niya noong nakaraang buwan.
Tangna! Isang buwan siyang naghahanap dito matapos ang gabing maangkin ito. Hindi niya akalain na basta-basta na lang itong umalis nang gabing 'yon.
Magmula nang mahagip niya itong papasok sa Club ay hindi na niya ito hiniwalayan ng tingin. Nakuha agad nito ang atensyon niya. s**t.
Sa lahat ng babaeng nakikita niyang pumapasok sa Club na pinagtatrabahuan niya, walang ni isa ang nakakuha ng pansin sa kanya bukod dito.
