“Abe is DEAD!”
Parang bumagal ang oras at ang paghinga ni Hana mula sa mga katagang binitiwan ni Jarid. Umamba ito nang saksak kay Abe na nakatayo lang sa bungad ng kwarto.
Pero dahil di naman ganon kalubos na naniniwala sa sinabi ni Jarid, tumalon mula sa kama si Hana at nagawang hawakan si Abe sa kamay.
Ramdam ni Hana ang muling pag-ikot ng orasan at ang marahan na pagbalik nila sa realidad.
“Lola?” agad na sabi ni Jasmine nang makitang nakahawak kay Ethan. “Paanong andiyan ka na po?”
“AH,” sabi ni Hana saka bumitaw at tumingin kay Jarid na maingat na itinago ang kutsilyong ipangsasaksak sana kay Abe. “Ano ba naman maaasahan ko sayo, lagi ka na lang lutang.”
Sinungitan na nalang ni Hana si Jasmine para tapos ang usapan.
“Sorry po. Ah kuya, sa susunod na lang ho muna tayo mag-usap.
