"KAYA mo 'yan, Max..." Pagkanta ni Klieford sa akin. Tumabi pa talaga siya sa 'kin para lang kumanta ng wala pa sa tono?
Inirapan ko siya. Nakatingin kami ngayon sa mga teacher na nasa gitna ng field, kinakausap ang mga estudyanteng magbabantay sa bawat maglalaro.
"Max!" Sabay kaming napalingon ni Klieford kay Krisha na bigla na lang sumisigaw habang patakbong papunta sa pwesto namin, dala-dala ang raketa niya, sa gitna na nila ako ngayon nakaupo. "Sigurado ka ba na kakalabanin mo ulit si Ian?" May pagmamadali sa boses niyang sabi.
Tumango ako, "Kailangan rin naman daw kasi 'yon para sa kailangan niyong gawin." Pagpapaliwanag ko. Iniikot-ikot ko sa kamay ko ang raketa para hindi masyadong kabahan.
"Tama..." Pagkanta ulit ni Klieford. Salubong ang kilay ni Krisha na napatingin kay K
