"Aalis na naman kayo, Bea?" tanong ng Mama n'ya habang inaayos ni Bea ang maliit na travelling bag para bukas ng umaga ay naka-ready na.
"Opo, Ma, two days lamang naman po kami," sagot ni Bea habang patuloy sa pag-aayos pa rin ng gamit n'ya.
"Okay ka lamang ba n'yan, Bea? Hindi kaya masyado mo nang sineseryoso ang trabaho mo, nakalimutan mo nang magpahinga," nag-aalalang tanoing ni Celine kay Bea.
"Hayan na naman po kayo, Mama, okay lamang po ako, Ma. Iniisip n'yo na naman na magagaya ako kay Papa n'yan eh," sagot ni Bea habang ipinulupot n'ya ang dalawang kamay n'ya na patagilid sa bewang Ng kanyang Mama at tiningnan ito sa mukha.
"Masisisi mo ba ako, Bea? Nawala na ang Papa mo at ikaw na lang ang mayroon ako. Hindi nga kita maintidihan na bata ka," nagrereklamo na wika ni Celine. "K
