Gabby
Bumalik muna ako suite para makapaglinis ng katawan. Hindi ko nakita ang boyfriend ko rito kaya dumiretso na lang ako sa banyo. Nang makaligo't makapag-ayos, sumampa ako sa kama saka binuksan ang cell phone ko.
Hindi ko man gusto magmukmok rito, wala akong choice. Ayoko makipagplastikan talaga kina Daniel at Andrea. Hindi sa ayaw ko sa kanila. In fact, gusto ko sila bilang kaibigan dahil napapasaya rin nila si Drew. Ang ayoko lang ay puro pekeng ngiti ang naipapakita ko sa kanila dahil hindi ako masaya sa pagsama nila.
Panira naman kasi ang boyfriend kong iyon.
I just realized. Walang sinabi na eksaktong oras iyong lalakeng nakausap ko kanina. Hindi bale na. Pupunta na lang siguro ako ng 4PM. At ang galing kasi wala rin pala siyang binigay na specific place ng meetup. Nakakaloko.
