DUKE
HATING-GABI na nang marating ko ang mansyon. Agad na sinalubong ako ng alaga kong aso at nagtataka na lang ako kung bakit ito nakawala.
"Hmm... Did you miss me Fargo?" Tumahol siya. "Good boy." Hinaplos ko ang ulo niya saka nito dinilaan ang aking pisngi. Tuwang-tuwa yata si Fargo dahil sa pagkawala nito sa kulungan niya. Mabango naman siya dahil araw-araw naman itong pinaliliguan ni Mang Berting. Tinawag ko siya nang papasok kami ng mansyon. Sumunod naman ito nang tunguhin namin ang aking kuwarto. Tumahol siya at hindi ko maunawaan kung bakit ito huminto sa tapat ng kuwarto ni Savannah.
"Fargo huwag diyan at baka tulog na si Savannah." Ngunit ang buntot nito ay panay pagkawag nito. Alam ko kung ano ang ibig niyang sabihin. Nagtaka naman ako kung bakit ito masaya. Parang inaaya y
