Nang tuluyan nang maisara ni Ethan ang pinto patungo sa kanyang meeting, agad na tumayo si TJ mula sa couch. Hindi siya mapakali sa katahimikan, kaya naman lumapit siya sa malawak na glass window ng opisina na nagbibigay ng tanawin sa labas kung saan naroon ang mga trabahador ng Silverio-Navarro Law Firm.
Doon ay isa-isa niyang sinuri ang mga associates na abala sa kani-kanilang mga mesa. "Hmmm... parang tama nga si Ethan," bulong niya sa sarili habang nakadungaw. "Siya nga ang pinakagwapo rito."
Ngunit hindi doon nagtapos ang kanyang pagiging mapanuri. Sinimulan niyang i-rate ang mga lalaking nakikita sa labas. Isa-isa niyang pinagmasdan ang mukha ng mga ito na tila ba isang seryosong judge sa isang beauty pageant.
Yung tatlo sa harap ay inisa-isa niya ang itsura. "Hmm, pangit," puna
