"Bukas na ang alis ni Lolo pa Brunei, kaya kailangan nating mag-dinner nang sabay-sabay ngayong gabi," sagot ni Ethan. Masusi niyang inayos ang kanyang coat at bahagyang hinigpitan ang kanyang necktie sa harap ng salamin. Sa kabila ng pagod sa mga meeting, bakas sa kanyang mukha ang gaan ng loob dahil kasama niya ang dalaga.
Habang nag-aayos si Ethan, dahan-dahang iniwan ni TJ ang kanyang "System Rating" na drowing sa ibabaw ng executive table. "O, iwan ko 'to rito sa table mo," wika ni TJ na may pilyong ngiti. "Para kapag malungkot ka o stress sa trabaho, tingin ka lang dito para sumaya ka."
Natawa na lamang si Ethan at napailing. Isang listahan ng mga "pangit" at "gwapo" na may mga 'X' at 'Check' ang magsisilbing dekorasyon sa kanyang seryosong mesa. "Talagang gagawin mo pa akong kunsi
