Chapter 75
Kael's POV
"Alam mong estudyante rin ito?"
Tumango ito. "Nalaman ko rin naman mula rito na estudyante nga siya kaya ko nga pinagbigyan, eh... Hindi ako nagpapaiyak ng bata, 'no."
"Oh... At least naayos ninyo at maayos ang mindset mo..."
"Oo nga. Maayos naman talaga. Nagugulo lang ang buhay ko kapag nandiyan kayo, eh. Kung anu-anong mga tinuturo ninyo sa akin. Ewan ko ba kung bakit nakikinig pa ako sa mga pangaral mo, eh, kaya ko naman na ang sarili ko. At saka mas malala ka sa akin, 'no!"
Hinayaan ko na lang na iyon ang isipin niya sa akin. Naiintindihan ko naman kahit permanenteng pagtingin na nila iyon sa 'kin. Ang mahalaga lang naman sa akin, gaya ng lagi kong sinasabi, ay kung ano iyong tingin namin ni Bella sa isa't isa. Sa kaniya ko lang naman gustong patunayan ang s
