Chapter 77
Bella's POV
"Gusto mo akong p-pag-aralin?" dahan-dahan kong tanong dito.
Ang pagkaing nginunguya kanina ay na-stocked sa loob ng bunganga ko. Hindi pa rin ako makapaniwalang sinabi niya iyon. Hindi ko maiwasang mapangiti sa saya at pag-asang ngayon ko lang ulit naramdaman. Pag-aaralin ako ng taong ito!
Isa lang naman iyon sa mga pangarap ko, bata pa lang ako, ang makapagtapos ng pag-aaral. Mulat naman ang kahit sinong Pilipino na mahirap talagang maging successful kung wala kang natapos na kurso dito sa Pilipinas. Kaya nga mas marami pa ang nangingibang-bansa kaysa ang mag-stay rito. Napakasakit na katotohanan iyon, lalo sa sa mga katulad kong walang magawa dahil sa hirap ng buhay. Sobrang bigat dahil ang simpleng pangarap kong iyon ay hindi pala ganoon kasing simple ng inii
