Chrylei Criox’s Pov (Knight of Shield)
Alam kong may kakaibang nangyari kay Deccan. Hindi naman ganoon ang mood niya nang umalis siya at may kakaiba din sa mga mata niya.
Parang bigla iyong napuno ng lungkot at sakit.
Pero mukhang wala naman siyang balak sabihin sa akin. At ano kaya ang kailangan nilang pag-usapan ni Zeal na kailangan pang silang dalawa lang ang dapat makarinig?
Hala!
Nanlaki ang aking mga mata. “Hindi kaya si Deccan ang reincarnation ni Knight at plano niyang bugbugin si Zeal dahil ito ang pinili ko?”
“Ganoon ba ang ugali ni Knight?”
Napalingon ako kay Honaira na nasa tabi ko pala. “Kanina ka pa diyan?”
Tumango siya. “Kanina pa nga kita tinatawag pero mukhang nasa ibang dimension ang isip mo. Anyway, answer my question. Ganoon ba ang ugali ni Knight na talagang sa
