Chyrlei Criox’s Pov
Alam kong hindi magiging madali ang labang ito. Malinaw iyon sa akin pero hindi ko naman inaasahan na may pagkamadaya pala si Nino, ang kalaban kong ito, na lalong nagpahirap ng sitwasyon ko.
Maliban kasi sa malaking kahoy na espadang kanyang hawak sa kanang kamay ay mayroon pa siyang kutsilyong hawak sa kaliwang kamay at ginagamit niya iyon sa tuwing makakalapit ako sa kanya.
Ilang beses na din akong muntik mahiwa ng kutsilyong iyon. At dahil masyado siyang mabilis kumilos ay hindi iyon makita ng referee.
Hindi ko din maipakita ang mga punit ng suot kong kapa dahil kakailanganin ko itong hubarin na hindi ko din maaaring gawin dahil kasalukuyan nang nanonood ang mga Elders.
“Tulad ng sinabi ko sayo, mas makakabuti kung susuko ka na lamang.” muli niya
